ပုထုဇဉ်

ထရံလေးတစ်ချပ်သာခြားထားတဲ့

နှစ်ခန်းတွဲအိမ်လေးမှာနေထိုင်ကြတဲ့မိသားစုနှစ်စုလုံးကအိမ်ငှားတွေချည်းပင်။အိမ်ရှင်ကတော့

မြို့ပြမှာနေထိုင်ပြီးသုံးလတစ်ခါလောက်မှာလာတတ်ပြီးအိမ်ရဲ့အနေအထား၊အိမ်ငှားတွေရဲ့နေမှုထိုင်မှု

အိမ်လခကိစ္စ၊များကိုလာဆောင်ရွက်လေ့ရှိခဲ့သည်။

သာမန်ဆင်ခြေဖုံးရပ်ကွက်ကလေးမို့ရပ်ကွက်လေးဟာထစ်ခနဲဆိုပေါက်ကွဲလွယ်ပြီးအရိုင်းဆန်နေ

တတ်တော့သည်။အိမ်ကလေးတွေ၊တဲကလေးတွေကလဲတစ်အိမ်နှင့်တစ်အိမ်ထိလုမတတ်ကပ်နေ

သောကြောင့်မီးရေးထင်းရေးလဲစိုးရိမ်စရာကောင်းနေတော့သည်။လမ်းကလေးတွေကလဲကျဉ်းလွန်း

နေသည်မို့အရေးရယ်အကြောင်းရယ်မှာမီးသတ်ကားဝင်ထွက်ဖို့တောင်သိပ်မလွယ်ကူလှ။

ထိုလမ်းကျဉ်းလေးတွေပေါ်မှာတော့နှပ်ချေးတွဲလောင်းနှင့်ဆော့ကစားနေသောကလေးများ၊

ကလေးခါးထစ်ခွင်ချီထားသောမိန်းမများ၊စက်ဘီး၊ဆိုက်ကားများဖြင့်ရှုပ်ထွေးနေတော့လေသည်။

ထိုနှစ်ခန်းတွဲအိမ်ကလေး၏ပြသနာသည်ရပ်ကွက်ကလေး၏အရက်ဆိုင်မှစတင်ခဲ့လေတော့သည်။

အရက်ဆိုင်ဟုဆိုသော်လည်းချောက်တီးချောက်ချက်အမြည်းလေးများနှင့်အရက်ဖြူကိုသာအဓိကထား

ရောင်းသောဆိုင်ကလေးပင်။

ထိုနှစ်ခန်းတွဲလေးမှအိမ်ထောင်ဦးစီးနှစ်ယောက်စလုံးကအရက်ကြိုက်တတ်ပုံချင်းတော့တူညီကြလေသည်။

တစ်ဖက်ခန်းမှတစ်ယောက်ကရပ်ကွက်ကလေးမှာပဲဆိုက်ကားနင်းပြီးအခြားတစ်ဖက်ခန်းမှတစ်ယောက်

ကတော့ပန်းရံကြုံလျှင်ပန်းရံ၊လက်သမားကြုံလျှင်လက်သမား၊ရေတွင်းတူးကြုံလျှင်ရေတွင်းတူးဖြင့်ဘောက်

လုပ်နေသောဘောက်သမားတစ်ယောက်ပင်။

ထရံလေးတစ်ဖက်သာခြားထားသောနှစ်ခန်းတွဲအိမ်ကလေးမို့တစ်ဖက်ကဘာလုပ်လုပ်တစ်ဖက်က

သိနေကြားနေရတော့သည်။အရက်ဆိုင်လေးမှာညနေတိုင်လျှင်ထိုအခန်းနှစ်ခန်းမှယောက်ျားနှစ်ယောက်

နှင့်အတူသူတို့၏မိန်းမများ၊ကလေးများကပါလိုက်ထိုင်ကြတော့သည်။ထရံလေးခြားအခန်းတွဲလေးမှာအတူ

တကွနေနေကြသော်လည်းထိုမိသားစုလေးနှစ်စုဟာတစ်ဦးနှင့်တစ်ဦးစကားမပြောကြတာနှစ်ပေါက်ခဲ့ပေပြီ။

တစ်နေ့မှာတော့ထိုယောက်ျားနှစ်ယောက်ဟာအရက်ဆိုင်လေးထဲမှာအနှောင့်အသွားမလွတ်သောစကား

လုံးများဖြင့်တိုးတိုက်မိကြပြီးထိုးကြိတ်ကြတော့အတူပါလာသူမိန်းမများကလည်းနှုတ်သီးကောင်းလျှာပါးဖြင့်

အရက်ဆိုင်လေးတစ်ခုလုံးပွင့်ထွက်သွားအောင်သောသောညံခဲ့ကြတော့လေသည်။

သနားစရာကောင်းလေသည်ကသူတို့၏အရွယ်မရောက်သေးလေသောကလေးလေးများပင်။

စက်သွေးတုံးသနပ်ခါးရေကျဲလေးဖြင့်၊အဖြူအစိမ်းကျောင်းအင်္ကျီအနွမ်းလေးဖြင့်၊လွယ်အိတ်အစုတ်လေးဖြင့်

မုန့်ဖိုးမပါပဲကျောင်းသွားခဲ့ရသလို..ကလေးများနှင့်မအပ်စပ်လေသောအရက်ဆိုင်မှာလဲလူကြီးများနှင့်အတူ

လိုက်လိုက်ထိုင်ခဲ့ရသလိုဗိုက်ဆာနေသော်လည်းလူကြီးများကျွေးမှစားရလေသော။ဘ၀လေးများပင်။

ယောက်ျားဖြစ်သူအရက်ဆိုင်ထိုင်ရာကိုမိန်းမဖြစ်သူကလိုက်မထိုင်လိ့လဲမရ။ဆိုက်ကားသိမ်းပြီးပြန်လာသော

ယောက်ျား၊ဘောက်ဆင်းပြီးပြန်လာသောယောက်ျား..ထိုယောက်ျားတို့ကအရက်ဆိုင်ထဲရောက်လျှင်စည်း

လွတ်ဝါးလွတ်သောက်တတ်လေသောကြောင့်ပါလာသည့်လုပ်အားခငွေလေးကိုအရက်ဆိုင်ထဲမှာအကုန်

သုံးမပစ်ရလေအောင်မိန်းမဖြစ်သူတွေကဘေးမှနားပူနားဆာဖြင့်ယောက်ျားဖြစ်သူထံမှပိုက်ဆံလေးကို

တောင်းနေရတော့လေသည်။ထိုသို့မှမိန်းမဖြစ်သူကအရက်ဆိုင်ကိုလိုက်ထိုင်၊ပြီးပိုက်ဆံလိုက်မတောင်း

ခဲ့လျှင်တော့၊ထိုညအဖို့မိသားစုလေးရဲ့ညစာကသိပ်မသေချာတော့။တစ်ခါတစ်ရံဘာမဟုတ်တဲ့အကြောင်း

အရာလေးဖြင့်ထိုယောက်ျားများကသူတို့၏မိန်းမများကိုကျွဲရိုက်နွားရိုက်ရိုက်ကြတော့လေသည်။

သည့်အတွက်ရှေးလူကြီးသူမများပြောခဲ့လေသောအရိုးကွဲမှအသည်းစွဲ..လင်ဆိုမယားတဖားဖားဆိုတာ

ဒါကိုပြောတာပဲဖြစ်ပေလိမ့်မည်။

လူ၏စိတ်၊လူတွေ၏စိတ်ခံစားမှုများသည်ဆင်းရဲ၊ချမ်းသာတာနှင့်မဆိုင်ပဲတချို့နေရာတွေမှာတော်တော်များ

များသွားတူနေတတ်တော့သည်။တစ်နေ့မှာတစ်ဖက်ခန်းမှ(၁၄လက်မTVလေးနှင့်EVDစက်)လေးကိုတပ်ဆင်

လိုက်တော့အခြားတစ်ဖက်ခန်းမှအံ့သြသွားရတော့သည်။ထရံလေးတစ်ဖက်သာခြားသော်လည်းထိုTVနှင့်

အောက်စက်သတင်းကိုတစ်ဖက်ခန်းမှလူများကအခြားတစ်ဖက်ခန်းမှလူများမသိအောင်သတင်းကြိုမထုတ်

ပြန်ဘဲတိတ်တိတ်လေးဖန်တီးလိုက်ကြခြင်းပင်။တစ်ဖက်ခန်းမှာတော့ညဘက်ဆိုအခွေတွေထိုးကြည့်ကြ။

ရပ်ကွက်ထဲမှလာကြည့်ကြသူတွေဖြင့်စည်ကားနေသလို၊အခြားတစ်ဖက်ခန်းမှာတော့တိတ်ဆိတ်ငြိမ်ကုပ်

နေရတော့လေသည်။သည်အတွက်လူတွေ၏စိတ်မှာထူးဆန်လှပေသည်။TVမ၀ယ်နိုင်သေးသောအိမ်

မှယောက်ျားကတစ်ဖက်ခန်းမှယောက်ျားနှင့်တစ်ဆိုင်တည်းမဆုံရအောင်ရပ်ကွက်လေးထဲမှာပဲအရက်ဆိုင်

ပြောင်းထိုင်တော့သလိုမိသားစုလိုက်တစ်နေရာမှာအချိန်ဖြုန်းကြပြီးမိုးတော်တော်ချုပ်မှအသာလေးအိမ်ပြန်

အိပ်ကြလေတော့သည်။သူတို့၏ခေါင်းထဲမှာလည်းTVနှင့်အောက်စက်ကအချိန်ပြည့်လွှမ်းမိုးဖိစီးနေတော့

လေသည်။

ဇာတ်ကောင်တွေအားပြိုင်လာကြတော့ဇာတ်လမ်းလေးကပိုရုပ်လုံးကြွလာသလိုပင်။မကြာခင်မှာပဲTVနှင့်

အောက်စက်မရှိသောအခြားတစ်ဖက်ခန်းက(၂၁လက်မTVနှင့်မော်ဒယ်လ်မြင့်အောက်စက်)ကိုဖန်တီးလိုက်

တော့(၁၄လက်မTVလေးသာ)၀ယ်ထားမိသောတစ်ဖက်ခန်းကတစ်ဖန်ငြိမ်ကုပ်သွားရပြန်တော့သည်။ဘုံလုံ

တစ်လှည့်ငါးပျံတစ်လှည့်ဖြစ်နေကြခြင်းပင်။ထိုအထဲမှာအမြတ်ထွက်ကြရသူတွေကတော့ကလေးများပင်။

အဖေဖြစ်သူနှင်အတူညညအရက်ဆိုင်မှာလိုက်မထိုင်ရတော့သလိုTVရှေ့မှာကြည့်ချင်တာကိုအေးအေးလူလူ

ကြည့်ခွင့်ရခဲ့ခြင်းပင်။သည်လိုနှင့်တစ်ဖက်နှင့်တစ်ဖက်အားပြိုင်မှုတွေကပိုပြင်းထန်လာခဲ့လေတော့သည်။

တစ်ဖက်ခန်းကဒါကိုလုပ်လျှင်အခြားတစ်ဖက်ခန်းကလိုက်လုပ်တော့သည်။အခါကြီးရက်ကြီးမှာတောင်

တစ်ဖက်ခန်းကဘုန်းကြီးသုံးပါးကပ်လျှင်အခြားတစ်ဖက်ခန်းကနည်းနည်းလေးပိုလိုက်ရမှဟူသောအခံ

စိတ်ကလေးဖြင့်ဘုန်းကြီးငါးပါးပင့်လေတော့သည်။

စုတ်တီးစုတ်ချာဖြင့်ဖြစ်သလိုနေခဲ့ကြတဲ့နှစ်ခန်းတွဲအိမ်ကလေးဟာရှိသင့်ရှိထိုက်သောလူ့အသုံးအဆောင်

ပစ္စည်းများဖြင့်သပ်ရပ်မှုဘက်ကိုဦးတည်ခဲ့တော့သည်။တကယ်တော့တစ်ဦးကTV၀ယ်လို့တစ်ယောက်က

မနာလိုစိတ်မခံချင်စိတ်ဖြင့်လိုက်ဝယ်။တစ်ဦးကဒါလုပ်လျှင်တစ်ယောက်ကလိုက်လုပ်ခြင်းသည်လူ့သဘာဝအရ

သိပ်မထူးဆန်းလှသော်လည်း(လူနှင့်လူတို့သုံးသင့်သုံးထိုက်သောပစ္စည်းများ)ဟုမမြင်ကြတော့ဘဲပြိုင်ဆိုင်စရာ

ပစ္စည်းများဟုမြင်နေကြခြင်းကတော့စိတ်ပျက်စရာပင်။

တချို့ကြတော့ကိုယ်ကဂီတကိုဝါသနာမပါ။သီချင်းတောင်မှဖြောင့်အောင်မဆိုတတ်။သီချင်းတစ်ပုဒ်ကိုလည်း

ထဲထဲဝင်ဝင်မခံစားတတ်။သို့သော်..မိမိစိတ်ထဲကပြိုင်နေမိသူတစ်ယောက်က(သူဝါသနာပါလို့သူ့ဘာသာ

ဂစ်တာဝယ်တီးနေတာကိုတွေ့ပြီး)ဂစ်တာတစ်လုံးကိုကောက်ဝယ်။ရပ်ကွက်ထဲမှနည်းနည်းပါးပါးတီးတတ်

သူကိုဆရာတင်သင်ခိုင်းဖြင့်(တကယ်ဝါသနာပါလို့၊တကယ်ခံစားပြီးဂစ်တာတီးနေသူကို)အခြောက်တိုက်လိုက်

ပြိုင်လေတော့သည်။ရုပ်ဝတ္ထုပစ္စည်းတွေကိုအချိန်မရွေးငွေကုန်ကြေးကျခံပြိုင်လို့ရသော်လည်းအနုပညာ

ဆိုသောအရာကိုတော့ပြိုင်လို့မရတတ်မှန်းနောက်ဆုံးမှာတော့ထိုသူတို့သိသွားရလေတော့သည်။

အနုပညာဆိုတာ(သူကဒါဖန်တီးလိုက်တယ်..ငါလည်းလိုက်လုပ်ဦးမှပဲဆိုပြီးလိုက်လုပ်လို့မရ)

အနုပညာဆိုတာဝါသနာနဲ့၊သွေးသားထဲကလာတဲ့ခံစားမှုမို့ပြိုင်ချင်တိုင်းပြိုင်လို့တော့ရမှာမဟုတ်။

(ဥပမာ..Iron Cross Band မှ Lead Guitarist ကိုချစ်စမ်းမောင်ကိုအတင်းလိုက်တု၊အတင်းလိုက်ပြိုင်ပြီးဂစ်တာ

တွေလိုက်တီး၊လေ့ကျင့်လုပ်သော်လည်းကိုချစ်စမ်းမောင်လိုတော့(ဘယ်တော့မှ)ဖြစ်လာမှာမဟုတ်။

ဘယ့်အတွက်ကြောင့်ဆို ကိုချစ်စမ်းမောင်ဟာဘ၀တစ်ခုလုံးကိုအနုပညာထဲမှာလွှတ်ချထားခဲ့သူ။

အနုပညာခံစားမှုပါရမီကိုဘုရားပေးသောလက်ဆောင်အဖြစ်ရရှိထားသူတစ်ယောက်မို့ပင်)

အခုလည်းထိုရပ်ကွက်လေးထဲမှနှစ်ခန်းတွဲအိမ်ကလေးမှာတော့ရုပ်ဝတထ`ုပစ္စည်းတွေကိုသူတစ်လှည့်

ကိုယ်တစ်လှည့်ပြိုင်နေကြလေတော့သည်။သူတို့အချင်းချင်မှာပြိုင်စရာအနုပညာဆိုတာကတော့မရှိ။

ထိုပြိုင်ဆိုင်နေဆဲကာလအကျိုးဆက်များကတော့နှစ်ခန်းစလုံးမှယောကျာ်းတွေကညဆိုအရက်ဆိုင်မမှာ

အရက်သွားမသောက်ကြတော့။အိမ်မှာပဲTVကြည့်ရင်းပုလင်းထောင်ကြလေတော့သည်။နဂိုကတည်းကမှ

ကျောင်းပညာရေးကိုစိတ်ဝင်စားမှုအားနည်းလှသောကလေးများကားကျောင်းကိုသွားတယ်ဆိုရုံမျှသာ။

ဖျော်ဖြေရေးပစ္စည်းများနှင့်သာအချိန်ကုန်ခဲ့ကြတော့သည်။

ရယ်စရာကောင်းသလိုအမြတ်ထွက်သွားသူကတော့ထိုနှစ်ခန်းတွကလေးကိုပိုင်ဆိုင်လေသာအိမ်ရှင်ပင်။

အိမ်ငှားတွေချောင်လည်အဆင်ပြေနေသည်ကိုအခွင့်ကောင်းယူပြီးအိမ်လခတိုးတောင်းလေတော့သည်။

ဘုရားဟောတရားအရဘယ်အရာမှအမြဲမရှိသလိုလူတွေဟာလည်းရှိခြင်း၏ဒုက္ခ၊မရှိခြင်း၏ဒုက္ခကို

ဒွန်တွဲခံစားရင်း..ကုသိုလ်၊အကုသိုလ်တွေကိုဖန်တီးမိကြရင်းသေခြင်း၏အဆုံးမှတ်လေးရှိရာကို

တဖြည်းဖြည်းသွားနေကြရတဲ့ခရီးသွားပုထုဇဉ်များမျှသာ …။