အူ၀ဲ..အူ၀ဲ..ဆုိတဲ့
ငုိသံေလးနဲ့စတင္ခဲ့တဲ့
အဲဒိရွင္သန္ျခင္း..မွာ
ဘုရာသခင္ရယ္
အေဖရယ္..အေမရယ္
အဲဒိေက်းဇူးေတာ္ကုိရင္ထဲမွာ
တစ္သက္တာေဆးမင္ထုိးထားခဲ့ျပီးျပီ..
ေၾကြးေဟာင္းကုိဆပ္ခြင့္မသာေသးသလုိ
အတုိးအရင္းမ်ားလွတဲ့
ေၾကြးသစ္ရက္စြဲေတြထဲမွာ…
Happy Birthday
! ဆုိတဲ့သေကၤတေလးကုိ
ရြက္ဆုတ္ျပကၡဒိန္ေလးလုိ
တျဖဳတ္ျဖဳတ္..လႊတ္ခ်ျဖစ္ခဲ့လုိက္တာ
လမ္းေတြဟာ…
ခင္မင္စရာေကာင္းခဲ့သလုိ
ပုထုဇဥ္အခင္းအက်င္းထဲမွာ
ေလာကဟာ..
သမုဒယဟာ..
အခ်စ္ဟာ..
အရာရာဟာ..
ငတ္မေျပတဲ့ေရတစ္ခြက္လုိ
အဲဒိလူရင္ထဲကုိ
ပူးကပ္စီးေမ်ာပ်ံသန္းေနလုိက္တာ..
မုိးပ်ံပူေဖာင္းေလးေတြေဖာင္းခနဲေပါက္ကြဲသံေတြနဲ့အတူ
အဲဒိလူက်င္းပခဲ့တယ္
ေမြးေန့ဆုိတဲ့
ကမၻာဦးကတည္းကခ်စ္စရာအမည္နာမေလးကုိ..။ ။
×××
No comments:
Post a Comment